सिन्धुपाल्चोक- मेलम्ची नगरपालिकाका प्रमुख आइतमान तामाङले श्रमिकहरूको सुरक्षित भविष्य सुनिश्चित गर्न सामाजिक सुरक्षा कोष अपरिहार्य रहेको बताउनु भएको छ ।

आइतबार नेपाल निर्माण तथा सम्वद्ध श्रमिक संघ (काउन), सिन्धुपाल्चोक द्वारा मेलम्चीमा आयोजित सामाजिक सुरक्षाको अवस्था र आवश्यकता विषयक मुद्दामा आधारित तालिम कार्यक्रममा बोल्दै नगरप्रमुख तामाङले श्रमिकहरूको हकहित संरक्षणका लागि मेलम्ची नगरपालिका सधैं सकारात्मक रहेको बताउनु भयो ।

उहाँले सामाजिक सुरक्षा कोषमा श्रमिकको पहुँच बढाउन सबै पक्षको सहकार्य आवश्यक रहेकोमा जोड दिनुभयो।

कार्यक्रममा मेलम्ची नगरपालिका वडा नं. १० का वडाध्यक्ष अमृत खनाल, नेपाल निर्माण तथा सम्वद्ध श्रमिक संघ (काउन)का पदाधिकारीहरू तथा श्रमिकहरूको उल्लेखनीय सहभागिता रहेको थियो ।