मोटरसाइकल दुर्घटना भएर त्रिशूलीमा खसेका युवक ९ दिनपछि मृत भेटिएका छन्।
फागुन २ गते चितवनको इच्छाकामना गाउँपालिका-५ स्थित ३ नम्बर पुलबाट त्रिशूलीमा खसेका लमजुङको चन्द्रेश्वर घर भएका चितवनको भरतपुर महानगरपालिका-१ रामनगरका २७ वर्षीय रोहित राना आइतबार बिहान मृत फेला परेका हुन्।
शव मोटरसाइकल दुर्घटना भएर उनी खसेको स्थानभन्दा एक सय मिटर तल भेटिएको चितवनका एसपी राजन लिम्बूले जानकारी दिए।
शव भेटिएपछि पोस्टमर्टमका लागि भरतपुर अस्पताल लगिएको छ। रोहितका परिवारले शव सनाखत गरिसकेका छन्।
प्रतिक्रिया
सम्बन्धित समाचार
