सिन्धुपाल्चोक । राष्ट्रिय प्राकृतिक स्रोत तथा वित्त आयोगले आर्थिक वर्ष २०८०/८१ को स्थानीय तह कार्यसम्पादन मूल्यांकन सार्वजनिक गरेको छ। मूल्यांकनमा बलेफी गाउँपालिकाले उत्कृष्ट प्रदर्शन गर्दै पहिलो स्थान हासिल गरेको छ। चौतारा साँगाचोकगढी नगरपालिका दोस्रो स्थानमा रहेको छ।

आयोगले सेवा प्रवाह, पूर्वाधार विकास, आर्थिक पारदर्शिता, नीति कार्यान्वयन र समग्र प्रशासनिक कार्यसम्पादनलाई आधार मानेर मूल्यांकन गरेको हो। यस क्रममा बलेफी गाउँपालिकाले ६७.२ अङ्क प्राप्त गर्दै अग्रस्थान सुरक्षित गरेको छ भने चौतारा साँगाचोकगढी नगरपालिकाले ६६.६ अङ्कसहित दोस्रो स्थान ओगटेको छ।

अन्य स्थानीय तहहरूको मूल्यांकन नतिजा निम्नानुसार रहेको छ:

लिसंखुपाखर गाउँपालिका: ६५.७ अङ्क

मेलम्ची नगरपालिका: ६३.० अङ्क

सुनकोशी गाउँपालिका: ६४.७ अङ्क

बाह्रबिसे नगरपालिका: ५८.८ अङ्क

भोटेकोशी गाउँपालिका: ५५.५ अङ्क

हेलम्बु गाउँपालिका: ५५.६ अङ्क

त्रिपुरासुन्दरी गाउँपालिका: ५५.४ अङ्क

जुगल गाउँपालिका: ५५.४ अङ्क

पाँचपोखरी थाङपाल गाउँपालिका: ४९.१ अङ्क

यस मूल्यांकनले स्थानीय तहहरूको सेवा र प्रशासनिक क्षमताको प्रतिविम्ब प्रस्तुत गरेको छ।