काठमाडौं । नमुना स्पोट्स क्लबको आयोजनामा हुने दोस्रो संस्करणको मझुवागढी कालिका भगवती कप खुल्ला अन्तर वडास्तरीय फुटबल प्रतियोगिताको खेल तालिका सार्वजनिक भएको छ।
पुस २० गतेबाट सुरु हुने प्रतियोगिताको उद्घाटन खेलमा केपिलासगढी वडा नम्बर चार र सोल्मा वडा नम्बर दुईबीच हुने भएको छ। पहिलो दिन एक खेल मात्रै हुने आयोजकले जनाएको छ।
यस्तै दोस्रो दिन २१ गते हुने दिनको पहिलो खेलमा दिक्तेल वडा नम्बर एकले बामराङ टिमसँग बिहान ११ बजे खेल्ने छ। दोस्रो खेल साँगुरीगढी आठले लफ्याङ्ग पाँचसँग दिउँसो १२:३० बजे प्रतिस्पर्धा गर्नेछ। दिउँसो २:३० बजे नेर्पा ६ र रतनछा दुई भिड्ने छन्।
सहभागि १० टिमलाई दुईवाट पोलमा विभाजन गरिएको छ।जसमा केपिलासगढी चार, सोल्मा वडा नम्बर, साँगुरीगढी आठ, लफ्याङ्ग पाँच, सवाकाटारे तीन, नेर्पा ६, रतनछा दुई, दिक्तेल एक, बमराङ्ग तीन, नुनथला १३ को सहभागिता रहेको छ।
आगामी पुस २४ गतेसम्म सञ्चालन हुने प्रतियोगिताका सबै खेल रञ्जितमान खेल मैदान दिक्तेल रुपाकोट मझुवागढी नगरपालिका लफ्याङ्ग पाँच खोटाङमा हुनेछ।
प्रतियोगिताको विजेताले नगद एक लाख ५१ हजार १११, उपविजेताले एक लाख एक हजार १११ रुपौँया तथा ट्रफी मेडल प्रमाण पत्र पाउने छ भने सेमिफाइनलमा पुग्ने चार मध्य पराजित दुई टोलीले समान ३५ हजार ५५५ पाउने आयोजकले जनाएको छ।
बेस्ट प्लेयर, बेस्ट डिफेन्डर, बेस्ट मिडफिल्डर, बेस्ट किपर, बेस्ट कोच सर्वाधिक गोल कर्ता र अनुशासित टिमलाई पाँच हजारसहित ट्रफी र मेडल प्रदान गरिने छ।
प्रतियोगितामा सहभागि टिमले खोटाङ जिल्ला भित्रका चार जना, जिल्ला बाहिरका तीन जनागरी वडा भन्दा बाहिरका सात खेलाडी समावेश गराउने पाउने आयोजकले जनाएको छ।
तपाईको प्रतिक्रिया !
सम्बन्धित समाचार
