काठमाडौं : नेपाली गीत संगीत र सञ्चार क्षेत्रमा निरन्तर लागिपरेका गायक एवं सञ्चारकर्मी हुन् शरण हुमागाईं। विशेषगरी मौलिक गीत गाउन रुचाउने हुमागाईं पछिल्लो समय अझ बढी सक्रिय छन् गीत संगीतमा।
यसैबीच, नयाँ गीत ‘मेरो माया बुझेनन् कसैले’ निकै मेहनत गरेर बजारमा ल्याएका छन् शरण हुमागाईंले। केही दिन अघि ‘मेरो माया बुझेनन् कसैले’ बोलको नयाँ गीत हुमागाईंले रिलिज गरेका हुन् ।
गीतमा उनै गायक एवं सञ्चारकर्मी शरण हुमागाईं र गायिका गीतादेवीको आवाज सुन्न सकिन्छ। गीतको शब्द अनि संगीत विष्णु तामाङको हो। सङ्गीत संयोजन पनि विष्णु तामाङले नै गरेका हुन् ।
वियोगान्त प्रेम भावमा तयार भएको गीत शंकरा डिजिटल रेकडिङ स्टुडियोमा सागर पुनले रेकर्ड गरेका हुन् भने कुमार सानु पुनले अडियो मिक्सिङ मास्टरिङ गरेका हुन् ।
गीतको अडियो संगै भिडियो पनि आकर्षक बनाइएको छ। भिडियोमा शरण हुमागाईं स्वयं फिचर्ड छन् । हुमागाईंका अलवा जीतबहादुर खड्का र आयुष्मा कार्कीलाई भिडियोमा देख्न सकिन्छ ।
गीतको भिडियोमा समिर थोकरको कथा र निर्देशन रहेको छ । भिडियोलाई आकर्षक फ्रेममा सुशील डाँगीले खिचेका हुन् ।केहि दिन अघि मात्रै सार्वजनिक यो गीतलाई रिलिज भएको छोटो समयमा राम्रो प्रतिक्रिया मिलेको छ गीतको अडियो भिडियो दुबैलाई तारिफ गरिएको छ ।
गीतको भिडियो शरण हुमागाईं युट्युब च्यानलबाट रिलिज गरिएको छ ।गायक हुमागाईंले तीन दर्जन गीत बजारमा ल्याइसकेका छन्। उनी गायन, गीत लेखन, निर्देशन र पछिल्लो समय अभिनयमा पनि सक्रिय छन्।
गितको भिडियो हेर्न तल क्लिक गर्नु होला ।
तपाईको प्रतिक्रिया !
सम्बन्धित समाचार
