सिन्धुपाल्चोक – मेलम्ची नगरपालिका वडा नम्बर ९ ज्यामिरे स्थित श्री गोल्मेश्वरी आधारभूत विद्यालयको शैक्षिक स्तर वृद्धि र विकास गर्नका निमित्त “हाम्रो पहिरन-हाम्रो पहिचान/विधार्थीको पोसाक-विध्यार्थीको शान।” भन्ने मुल नारा राखि विद्यालयमा अध्ययनरत विद्यार्थी हरूलाई स्कुलको ड्रेस किन्नका निमित्त विद्यालयद्वारा चन्दा उठाई रहेको देखिन्छ। यसरी उठाएको चन्दाबाट विद्यालयमा अध्ययनरत बालबालिकाहरूलाई विद्यालय आउनका निमित्त लगाउने शैक्षिक लत्ता कपडा वितरण गर्ने भनिएको छ। बालबालिकालाई विद्यालय उपस्थित हुन स्कुल ड्रेसको आवश्यकता पर्छ। तर चन्दा उठाएरै बालबालिकालाई स्कुल ड्रेस वितरण गर्नु पर्ने अवस्था देखिँदैन।

विद्यालयले स्थानीय सरोकारवालाहरूलाई पटकपटक ध्यानाकर्षण गराउँदा पनि विद्यालयको समस्यालाई सुनुवाई नगरेको बताएका छन् ।यसले गर्दा  पठनपाठनमा समस्या आएको भनि उक्त विद्यालयले आफ्नो सामाजिक सञ्जाल फेसबुक मार्फत एउटा भिडियो नै सार्वजनिक गरेको छ। उक्त भिडियोमा विद्यालयमा आउने बालबालिकाहरुले स्कुल ड्रेस नलगाई आएको र पठनपाठनमा समस्या आएको भन्ने बुझिन्छ। उक्त भिडियोका अनुसार अभिभावकहरूले आफ्नो बालबालिकालाई विद्यालय उपस्थित गराउँदा स्कुल ड्रेस भन्दा बाहिरी कपडामा पठाएको भन्ने बुझिन्छ ।

यस विषयलाई पूर्व विद्यार्थी तथा अभिभावकहरूले आलोचना पनि गरेका छन् भने कतिपय व्यक्तिहरूले समर्थन गरि सहयोग पनि गरेको देखिन्छ।

आफ्नो बालबालिकाको भविष्य सुनिश्चित गर्नका निमित्त शिक्षाको निकै आवश्यकता पर्दछ। बालबालिकाको शिक्षाको लागि शैक्षिक स्तर वृद्धि गराउन आवश्यक स्कुल ड्रेस तथा शैक्षिक सामग्रीहरू उपलब्ध गराउन सर्वप्रथम बालबालिकाका अभिभावकहरूको दायित्व र जिम्मेवारी हुन्छ। कतिपय विद्यालय तथा समुदायहरूमा गरिबीका कारण आफ्ना बालबालिकालाई शैक्षिक स्तर वृद्धिका लागि आवश्यक शैक्षिक सामग्रीहरू उपलब्ध गराउन नसक्ने आर्थिक अवस्थाले न्यून स्तरका परिवार पनि हुन्छन्। यस्तो परिवारलाई विद्यालयले प्राथमिकताका रूपमा विद्यालयबाट हुने सहयोग गरेर सो बालबालिकाको शैक्षिक पठनपाठनमा सहयोग गर्नु पर्दछ। यदि यसो गर्न सम्भव नरहे विद्यालयको सरोकारवालाहरू सँग सहयोगकोआहावन  गर्नु पर्दछ ।न्यून आर्थिक अवस्था भएका बालबालिकालाई सोही स्थानका स्थानीय सरकारले सहयोग गर्नु स्थानीय सरकारको दायित्व हो।