काठमाडौ ।  सक्षम नागरिक समुह द्वारा वैदेशिक रोजगारको सिलसिलामा बिदेसमा काम गर्ने क्रममा प्रेसरले हानी देब्रे पट्टिको भाग नचल्ने भएको सिन्धुपाल्चोक चौतारा साँगाचोकगढि न.पा. १३ का  इन्द्र बहादुर श्रेष्ठको ३५ वर्षको छोरा अमृत श्रेष्ठलाई आर्थिक सहयोग गरेको छ।

पाण्डुबजार-६ सुर्यविनायक, भक्तपुरमा अवस्थित सक्षम नागरिक समुहका अध्यक्ष  शाेभा कार्की लगायत अन्य सदस्यहरुले भाद्र ०८ गते आर्थिक सहयोग स्वरुप सँस्थाको तर्फबाट केही रकम श्रेष्ठलाई प्रदान गरेको हो ।

दुख कष्ट गरि स्थापना गरिएको यस संस्थाले विभिन्न कारणबाट कष्टकर जीवन यापन गरिरहेका,अनाथ,अशक्त व्यक्तिहरुको यसरी सहयोग गर्न पाउँदा अझ धेरै हौसला खुशी बढेको सक्षम नागरिक समुहका अध्यक्ष शोभा कार्कीले बताउनु भयो।

त्यस्तै सहयोग हस्तान्तरण कार्यक्रममा बोल्दै अध्यक्ष कार्कीले विभिन्न माध्यमबाट सहयोग गर्नु हुने सम्पुर्ण सहयोगी हातहरुलाई धन्यवाद व्यक्त गर्नु भएको छ साथै भविष्यमा जुनसुकै बेला आइपर्ने प्राकृतिक तथा आर्थिक विपतमा आफ्नो संस्थाले हरकदम सयोग गर्ने प्रतिबद्धता व्यक्त गर्नु भएको छ ।

सक्षम नागरिक समुहले यस कार्यक्रम सहित अन्य विभिन्न स्थानमा सहयोगका कार्यक्रम गरि सकेको छ भने आगमी दिनमा पनि यस्दै कार्यक्रमहरुलाई निरन्तरता दिदै जाने बताएको छ ।