सिन्धुपाल्चोक जिल्लाको बाह्रबिसे नगरपालिका – ७ मा ७१ वर्षकी बृद्धको हत्या गर्ने युवक पक्राउ परेका छन् । जिल्लाको वाह्रविसे नगरपालिका वडा नं.७ खनियावास निवासी वर्ष ७१ की रत्न कुमारी थापाको हत्या गर्ने सोहि नगरपालिका वडा नम्बर–७ निवासी ३६ वर्षिय फुने भनिने सन्जिव देउजा पक्राउ परेका हुन् ।

उनलाई जिल्ला प्रहरी कार्यालय सिन्धुपाल्चोकले मंगलबार सार्वजनिक गरेको छ ।साउन १८ गते शुक्रबार आफ्नै घर भित्र भुईमा हात बाँधेको अवस्थामा थापाको मृत लाश फेला परेको थियो ।

मृत फेला परेकी थापाको प्रहरीले हत्या भएको भन्दै अनुसन्धान गरी लुटपाट गरी हत्या गर्ने अभियुक्तलाई २१ गते काठमाण्डौ गोगंवुबाट पक्राउ गरेको हो ।

अभियुक्त देउजाले बृद्धाले २ दिन अगाडी प्राप्त गरेको वाह्र हजार बृद्धभत्ता र छोरी स्वस्थानी बस्नेतले सापटी फिर्ता गरेर दिएको पचास हजार गरि बैसठ्ठी हजार, मृतकले लगाएको सुनको बुलाकी, कानमा लगाएको आधा तोलाको सुनको रिङ, घाँटीमा लगाएको सुनको तिलहरी गरि साँढे १ तोला सुन समेत लुटेर घाँटी थिचेर हत्या गरेको पाईएको प्रहरीले जनाएको छ ।