काठमाडौं – युरोप पठाईदिन्छु भन्दै दोलखा, गौरीशंकर-३, कोलबारी स्थाई घर भएका कुमार बिक्रम खत्रीले करोडौ ठगेको पाईएको छ ।

भारतीय आधार कार्डमा नाम आकास क्षेत्री र घर पश्चिम बंगाल उल्लेख गरेका खत्रीले क्यानडा, पोल्याण्ड, लिथुनिया लगायतका देशहरु पठाउने प्रलोभन देखाउँदै, नक्कली एल.एम. आईए, अफर लेटर र भि.एफ.एस. को मिती समेत निक्लिसकेको झुटो आस्वासन देखाउँदै प्रती ब्यक्ती पटक पटक गरि दुई लाख सम्म उठाएको पाईएको छ । आफू मुछीने डरमा खत्रीले आफ्ना आफन्त र साथीभाईको खातामा रकम जम्मा गर्न लगाएका थिए ।

पिडितहरुलाई बिगत दुई बर्षदेखी क्याणडाको चक्करमा झुलाउँदै आएका उनले पछिल्लो पटक पोल्याण्डको लागि भि.एफ.एस गराउछु, काम हुन्छ हुन्छ भन्दै झुलाउँदै बीस जना युवा युवतीलाई गत असोजमा दिल्लिको पहाड गञ्जको एक होटलमा महिनौ बन्धक बनाएर राखेको पिड्तिहरुले बताएका छन ।

पिडित युवाहरुले सम्बन्धीत निकायमा बुझ्दा कागजात नक्कली भएको प्रमाणीत भएपछी हतोत्साहीत भएका खत्रीले पिडितहरुलाई लिथुनिया पठाईदिन्छु भन्दै थम्थमाएका थिए । काम नहुने भयो रकम फिर्ता गर्नुस नभए हामीले कानुनी उपचारको सहायता लिनुपर्छ भन्दा म काँग्रेसको नेता हुँ ठूलो कुरो गर्नेहरुलाई गुण्डा लगाएर हात खुट्टा भाँचिदिन्छु र मारेर फाल्दिन्छु, त्यसमाथी म अहिले ईण्डीयन नागरीक हुँ नेपाल प्रहरीले समेत केही गर्न सक्दैन भनेर उल्टो ज्यान मार्ने धम्की दिएको पिडितहरुले बताएका छन ।