सिन्धुपाल्चोक-साझेदारी नेपालको १४औं बार्षिक साधारणसभा सम्पन्न भएको छ । मेलम्ची नगरपालिकाका प्रमुख आइतमान तामाङको प्रमुख आतिथ्यमा कार्यक्रम सम्पन्न भएको हो । कार्यक्रममा सम्बोधन गर्दै नगरप्रमुख तामाङले साझेदारी नेपालले शैक्षिक क्षेत्रमा उल्लेख्य काम गरेको बताउनुभयो । नमुना किचेन गार्डेन लगायत विद्यालयमा गुणस्तरीय शिक्षाका लागी काम गरिरहेकोमा उहाँले संस्थालाई धन्यवाद व्यक्त गर्नुभयो । संस्थाको भवन निर्माणको लागी उहाँले जग्गाको ब्यबस्थापन गरेमा सहयोग गर्ने उद्घोष गर्नुभयो ।

शैक्षिक गुणस्तर वृद्धिको लागी तालिम,सचेतना,शैक्षिक सामग्री वितरण लगायतका क्षेत्रमा काम गर्दै आएको संस्थाका अध्यक्ष मानबहादुर भुषालले जानकारी दिनुभयो । बालकक्षा सहयोगी शिक्षक तालिम,विषय शिक्षक तालिम,बालक्लब क्षमता विकास कार्यक्रम,विद्यालयका अभिभावक तथा शिक्षकहरु र बालबालिकाहरुलाई दासत्व तथा मानव वेचविखन हुनबाट बचाउनु संस्थाको मुख्य उद्धेश्य रहेको सचिव कृष्ण थापाले जानकारी दिनुभयो ।