सिन्धुपाल्चोक- सुनकोशी नदीमा दूध बाेकेकाे भ्यान खस्दा चालक बेपत्ता सिन्धुपाल्चाेककाे बलेफीमा दूध बाेकेकाे मारुती भ्यान सुनकोशी नदीमा खसेर दुर्घटना हुँदा काभ्रेका नवराज खुलाल बेपत्ता भएका छन् । शुक्रबार बिहान ५ः२० बजेतिर अरनिको राजमार्गस्थित बलेफीमा सुकुटेबाट खाडीचौरतर्फ दूध बोकेर जाँदै गरेको सुकुटे सिन्धु डेरीको मारुती भ्यान सुनकोशी नदीमा खस्दा चालक काभ्रे पनौती नगरपालिका-१० पस्थली बस्ने अन्दाजि बर्ष २३ को नवराज खुलाल र गाडी सुनकोशी नदीले बगाएर बेपत्ता भएका हुन् । बा १२ च ६५९४ नम्बरको मारुती मिनी डेलिभरी भ्यान सुकुटेबाट खाडीचौरतर्फ जाँदै गर्दा सडकबाट ५० मिटर तल सुनकोशी नदीमा खसेर बेपत्ता भएकाे प्रहरीले जनाएकाे छ । खाेजीका लागि प्रहरीचौकी बलेफीबाट प्रहरी वरिष्ठ नायव निरिक्षक सुरेशप्रसाद गुप्ताकाे कमाण्डमा ४ जनाको टोली खटिएकाे छ।