बनेपा । युवा समाजसेवी एवं व्यवसायी संगम थापा क्षेत्री समाज नेपाल काभ्रेपलाञ्चोकको अध्यक्षमा मनोनीत भएका छन्। काठमाडौं पेप्सिकोला स्थित एक कार्यक्रममार्फत बागमती प्रदेश संयोजक श्याम कार्कीको सभापतित्वमा उनलाई जिम्मेवारी दिइएको हो।

थापाले सामाजिक विकास, आर्थिक उन्नति र सामुदायिक सशक्तीकरणमार्फत काभ्रेपलाञ्चोकको समृद्धि र प्रतिष्ठा अभिवृद्धि गर्ने प्रतिबद्धता जनाएका छन्। कार्यक्रममा क्षेत्री समाज नेपालका अध्यक्ष रित बहादुर थापा, वरिष्ठ उपाध्यक्ष लेख बहादुर कार्की लगायत देशभरिबाट प्रतिनिधिहरूको उपस्थिति रहेको थियो।

‘राष्ट्रिय अखण्डता र जातीय सद्भाव, क्षेत्री एकता आजको आवश्यकता’ नारासहित आयोजित कार्यक्रममा अग्रज व्यक्तित्वहरूलाई सम्मानसमेत गरियो। समाजले एकताबद्ध भएर समुन्नत समाज निर्माणमा योगदान गर्ने उद्देश्य व्यक्त गरेको छ।