काठमाडौं – त्यसो त, पछिल्लो समय दैनिकजसो दजनौं बढी गीतहरु रिलिज हुने गर्छन् । रिलिज भएका कमै गीतले दर्शक स्रोताको साथ पाउँछन् ।

कमै गीतले मात्र दर्शक स्रोताको मन जित्ने गर्छन् । झन सुन्दा कान र हेर्दा आँखालाई आनन्द दिने गीतहरु त निकै कम हुने गर्छन् । यसैबीच, कान र आँखालाई आनन्द दिने गायिका पार्वती खकुरेल , गायक तथा सर्जक संगम थापा  र नारायण गोपालीको स्वर रहेको नयाँ गीत रिलिज भएको छ ।

लोक दोहोरी गायक संगम थापा र गायिका पार्वती खकुरेलको भर्खरै रिलिज “झ्याइँ पारौ पार्वती” बोलको गीतले आँखा कान दुबैलाई आनन्द दिने गर्छ । प्रेमिला शब्दहरुले भरिएको गीतमा पार्वती खकुरेलको शब्द अनि ज्ञानराज गिरीको संगीत रहेको छ भने नारायण दङ्गालको एरेन्ज रहेको छ। सार्वजनिक दोहोरी भाकालाई MF डिजिटल रेकर्डिङ स्टुडियोमा रेकर्ड गरिएको छ।

त्यसो त गीतको अडियो सुन्दा कानलाई जति आनन्द मिल्छ, त्यो भन्दा आनन्द भिडियो हेर्दा आँखालाई आउने गर्छ। किनकी गीतको अडियोसंगै भिडियो पनि निकै आकर्षक बनाइएको छ ।  भिडियोमा लोकप्रिय कलाकार सुमन बीसी, सबिता राना लगायत अन्य कलाकारहरु फिचर्ड छन् ।

गीतको भिडियोमा  मिलन श्रेष्ठको कथा र निर्देशन रहेको छ । आकर्षक फ्रेममा सन्तोष तिमल्सिनाले भिडियो खिच्ने काम गरेका हुन् । भिडियोलाई  रोशन धितालले सम्पादन गरेका छन् ।

आकर्षक दृश्य तथा कर्णप्रिय संगीतले भरिपूर्ण गीतले श्रोता-दर्शकलाई मनोरञ्जन प्रदान गर्ने अपेक्षा गरिएको छ। भर्खरै मात्रै सार्वजनिक यो गीतलाई रिलिज भएको छोटो समयमा राम्रो प्रतिक्रिया मिलेको छ  गीतको अडियो भिडियो दुबैलाई तारिफ गरिएको छ ।उक्त गीतको भिडियोMilan Films Productionयुट्युब  च्यानलमार्फत सार्वजनिक गरिएको छ ।

हेर्नुस भिडियो….