काठमाडौंको शंकरापुर नगरपालिका–५, कात्तिकेमा नगरकोट पिकनिकबाट फर्किंदै गरेको स्कुल बस दुर्घटनाग्रस्त हुँदा तीन जना विद्यार्थीको मृत्यु भएको छ।
बा २ ख ७९५८ नम्बरको बस चाबहिलस्थित एसएस एकेडेमीका विद्यार्थीहरू लिएर पिकनिकबाट फर्किंदै गर्दा दुर्घटना भएको जिल्ला प्रहरी परिसर, काठमाडौंका प्रवक्ता एसपी अपिलराज बोहराले जानकारी दिएका छन्।
बौद्ध प्रहरीका अनुसार दुर्घटनामा ४० जना घाइते भएका छन्। घाइतेहरूको विभिन्न अस्पतालहरूमा उपचार भइरहेको छ।
दुर्घटनाको कारणबारे अनुसन्धान भइरहेको प्रहरीको भनाइ छ।
प्रतिक्रिया
