काठमाडौं – पछिल्लो समय दैनिक दर्जनौँ लाइभ दोहोरी गीतहरू सार्वजनिक भइरहेका छन्। तर, तीमध्ये कमैले मात्र दर्शक-स्रोताको मन जित्न सफल भइरहेका छन्। विशेष गरी, सुन्दा कानलाई आनन्द दिने र हेर्दा आँखालाई लोभ्याउने लाइभ दोहोरी गीतहरू निकै कम संख्या मात्रामा आउने गरेका छन्।

यस्तै क्रममा, लोकप्रिय गायिका सुमित्रा सत्याल र गायक तथा सर्जक प्रकाश पराजुलीको आवाजमा रहेको नयाँ लाइभ दोहोरी सार्वजनिक भएको छ। उत्कृष्ट शब्द तथा मधुर संगीतसहितको यस गीतले दर्शक-श्रोताको मन जित्ने अपेक्षा गरिएको छ।

काभ्रेपलाञ्चोक जिल्लाको कोशिपारी चौरीदेउरालीमा जन्मिएकी सुमित्रा सत्यालले यसअघि घर त नुवाकोट, सुपारी गोजिमा, दुई मुटु जोडेर लगायतका दर्जनौँ लोकप्रिय गीतहरू प्रस्तुत गरिसकेकी छन्। पछिल्लो समय उनी लाइभ दोहोरीमा समेत निकै सक्रिय हुँदै आएकी छन्।

उनीसँगै गायक तथा सर्जक प्रकाश पराजुलीको उत्कृष्ट गायन रहेको यस नयाँ लाइभ दोहोरी गीतले श्रोतामाझ सकारात्मक प्रतिक्रिया पाउने अपेक्षा गरिएको छ।

उहाँको सार्वजानिक भएको लाईभ दोहोरी गित हेर्न तलको लिंक क्लिक गर्नुहोला