सिन्धुपाल्चोक ।  सिन्धुपाल्चोक क्षेत्र नं-१ का प्रतिनिधि सभा सदस्य माधव सापकोटा ‘सुबोध’ले आफ्नो निर्वाचन क्षेत्रमा भइरहेको विभिन्न चारवटा सडक स्तरोन्नतिको अनुगमन गर्दै समयमै गुणस्तरीय निर्माण कार्य सम्पन्न गर्न निर्देशन दिएका छन्।

सापकोटाले जिल्ला पूर्वाधार कार्यालयका प्रमुख प्रकाश पौडेलसहित प्राविधिक टोलीको साथमा सुनकोशी दोबाटो-सिम्ले-बुदेपा-कालिन्चोक सहिद मार्ग, मेलहुँदै डाँडाटोल-लाँकुरी चौतारी सडक, खागदल दोभान-घर्तीटोल सडक, लिपिङखोला बेलीब्रिज तथा टुनिबोटे मिलडाँडा- मांखा-मानेश्वारा-भैरबकुण्ड निर्वाचन क्षेत्र रणनैतिक सडकको निरीक्षण गरेका हुन्।

निरीक्षणका क्रममा उनले सम्बन्धित निकायलाई तोकिएको समयसीमाभित्र गुणस्तरीय निर्माण कार्य पूरा गर्न आवश्यक निर्देशन दिएका छन्।लाँकुरी चौतारी सडक, खागदल दोभान सडक बस्नेतको घरहुँदै जाने सडक हो । सो बाटोको स्तरोन्नतिको लागि भइरहेको कामको पनि अनुगमन गरेका हुन्।  माओवादी नेता युवराज दुलाल प्रदेश मन्त्रीहुँदा सिन्धुपाल्चोेका माओवादी सांसदहरु सापकोटा, सरल सहयात्री र अमृता नेपालको पहलमा सो बाटोका लागि रकम विनियोजन भएको थियो ।

टुनिबोटे – मिलडाँडा – मांखा – मानेश्वारा – भैरबकुण्ड निर्वाचनक्षेत्र रणनैतिक सडकको अनुगमनपछि सांसद सापकोटाले निर्माण पक्षलाई सम्झौता अनुसार समयमै गुणस्तरीय काम सम्पन्न गर्न निर्देश गरे ।त्यस्तै लिपिङ खोलामा तातोपानी नाका एकतर्फी बन्द गरेर हिजोदेखि सुरु गरिएको बेलिब्रिज जडाको अनुगमन गर्दै सांसद सापकोटाले आवश्यक सहजिकरण गर्ने प्रतिवद्धता व्यक्त गरेका छन्।