नेपाली बजारमा आज (शुक्रबार) सुन–चाँदीको मूल्य बढेको छ।

गत बुधबारदेखि बढ्ने क्रममा रहेको सुनको भाउले यसदिन पनि निरन्तरता पाएको हो।

बुधबार प्रतितोला चार सय रूपैयाँ, बिहीबार प्रतितोला एक हजार दुई सय रूपैयाँ र शुक्रबार प्रतितोला एक हजार तीन सय रूपैयाँ गरी यो तीन दिनमा सुनको भाउ प्रतितोला दुई हजार नौ सय रूपैयाँ बढेको हो।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ५७ हजार नौ सय रूपैयाँमा कारोबार भइरहेको छ।

शुक्रबार चाँदीको मूल्य पनि बढेको छ।

यस दिन चाँदीको मूल्य प्रतितोला एक हजार आठ सय ९० रूपैयाँमा कारोबार भइरहेको छ।

यो मूल्य अघिल्लो दिनको तुलनामा प्रतितोला १० रूपैयाँ बढेको हो।

आज अन्तर्राष्ट्रिय बजारमा भने सुन प्रतिऔंस २७ सय १५ अमेरिकी डलरमा कारोबार भइरहेको छ।