काठमाडौं : लोक तथा दोहोरी गायक बसन्त शाहिको विशेषता बेग्लै किसिमको छ। प्रायः आफुले गाउनी गीत आफै लेख्छन् उनी। लेख्ने मात्रै कहाँ होर शब्द अनुसारको मेलोडी पनि आफै तयार गर्छन्। अनि आफ्नै युट्युब च्यानलबाट बजारमा ल्याउँछन्।

मौलिकपन मै रहेर हरेकपटक पृथकता दिन प्रयास गर्ने शाहिले पछिल्लो नयाँ गीत बसन्त म्युजिक प्रा.लि युट्युब च्यानलबाट दर्शक स्रोतामाझ ल्याएका छन्। उनले “बैँश चड्यो” बोलको गीत बजारमा ल्याएका हुन्। गीतमा बसन्त शाहिसँगै प्रिया सेन्चुरीको सुमधुर आवाज सुन्न सकिन्छ। गीतमा अशोक कुमार सापकोटाको शब्द अनि संगीत भने बसन्त शाहिकै रहेको छ। गितलाई नारायण दङ्गालले एरेन्ज गरेका हुन भने म्युजिक प्लस रेकर्डिङ स्टुडियोमा  रेकर्ड गरिएको हो ।

गीत सुन्दा मौलिक लाग्छ। मौलिकपन भन्दा टाढा गएर शाहिले मेलोडी बनाएका छैनन् यो गीतमा। मौलिकपनलाई नछोडेर मीठो तरिकाले भाका बनाएका छन् उनले। उसो त, गाउन पनि मीठो तरिकाले गाएका छन्।बसन्त शाहि र प्रिया सेन्चुरीको गायकीको मिठास छुट्टै छ।

झट्ट सुन्ने जोकोहीलाई गीतको अडियोले तानिराख्छ। भिडियो पनि कुनै तामझाम बिना साधारण तर गजब छ। लोकप्रिय मोडल करिष्मा ढकाल, सुमन बि.सि., गृष्मा शाही, सुरज बि.सि. भिडियोमा फिचर्ड छन्। करिष्मा ढकाल र सुमन बि.सि.को आकर्षक डान्स भिडियोमा देख्न सकिन्छ।

भिडियोलाई मिलन श्रेष्ठले निर्देशन गरेका हुन्।सन्तोष तिमल्सिनाले आकर्षक फ्रेममा खिचेको भिडियोलाई रोशन धितालले सम्पादन गरेका छन् । अमर एम.एक्स भने भिडियोका कोरियोग्राफर हुन्।गीतलाई रिलिज भएको छोटो समयमा राम्रो प्रतिक्रिया मिलेको छ। गीतको अडियो भिडियो दुबैलाई तारिफ गरिएको छ।

यस अघि पनि धेरै गित संगित बजारमा ल्याएका शाहीको पछ्यौरी तानेर, लेकको चरी, त्रिसुली बजार, माया धेरैहोस्, खोली बगर, लेकै गुँरास बेसीमा टुनी लगायत गितहरुले दर्शकको मन जित्न सफल भएका छन् ।ओके टिभि नेपाल सँगको कुराकानीमा यो गित“बैँश चड्यो”ले पनि दर्शक श्रोताको मन जित्नेमा  विश्वस्त रहेको शाहीले बताएका छन् ।

हेर्नुस भिडियो……