सिन्धुपाल्चोक- बलेफी गाउँपालिका–१ जलबिरेमा सांस्कृतिक कार्यक्रम हुने भएको छ । यही पुस ४ गते, बिहीबारको दिन बलेफी गाउँपालिका–१ जलबिरे हिले स्थित कमलादेवी माईको मन्दिरमा जात्रा तथा बृहत् सांस्कृतिक कार्यक्रम हुन लागेको हो ।

राष्ट्रिय कलकारहरुको साथमा बिहीबार उक्त कार्यक्रम गर्न लागिएको आयोजकले जनाएको छ । कमलादेवी माईको मन्दिरको जात्रालाई लक्षित गर्दै मनोरञ्जनको माहोल बढाउन कार्यक्रमको आयोजना गर्न लागिएको हो ।

कार्यक्रममा ख्यातिप्राप्त कलकारहरु घमेश दुलाल, सुनिता दुलाल, सुफिक्स मदन, गोविन्द दुलाल, धनराम मुस्कान, बिमला भुजेल, सावित्री नेपाल, रिता गुरुङ, मञ्जरी श्रेष्ठ, रुपक खड्का ,मनिष स्वार आउने भएका छन् । साथै स्थानिय कलाकारहरुको समेत विशेष प्रस्तुती रहने रहेको आयोजकले जनाएको छ ।

कार्यक्रममा बिभिन्न खाले जातजातिका नाच गान तथा झाँकी प्रदर्शन हुने भएको छ । यसले कार्यक्रमलाई थप सफल र राम्रो बनाउने आयोजकको विश्वास छ । पुस ४ गते बिहीबार कार्यक्रममा सहभागी हुन आयोजक पक्षले सम्पूर्ण महानुभावलाई आह्वान समेत गरेको छ ।