काठमाडौं -नुवाकोटको पञ्चकन्यामा रहेको थ्री स्टार युथ क्लबले नेपालीहरूको महान चाड विजयादशमी तथा शुभ दीपावलीको अवसरमा वडास्तरीय फुटबल प्रतियोगिता सञ्चालन गर्ने भएको छ। ‘स्वास्थ्यका लागि खेलकुद राष्ट्रको लागि खेलकुद’ भन्ने नाराका साथ २०७९ सालमा स्थापित यस क्लबले असोज २३ गते देखि दुई दिनसम्म प्रतियोगिता आयोजना गर्न लागेको हो

प्रतियोगितामा सहभागी हुन इच्छुक टिमलाई आयोजकले असोज २१ गतेभित्र नियम अनुसार नाम दर्ता गराउन अनुरोध गरेको छ। आयोजक पञ्चकन्या थ्री स्टार युथ क्लबका सन्तोष थापाका अनुसार विजेतालाई पुरस्कार स्वरूप नगद, खसी, बोका, कप, मेडल र प्रमाणपत्र प्रदान गरिनेछ। थापाका अनुसार २१ गतेभन्दा ढिला गरी आएमा टिम दर्ता गरिने छैन। खेलाडी सङ्ख्या ११ जना, अतिरिक्त खेलाडी ४ जना र अफिसियल एकजना गरी १६ जना खेलाडी हुनुपर्ने यस खेल रेफ्रीको नियमअनुसार खेलाइने आयोजक थ्री स्टार क्लबले जानकारी दिएको छ। खेल खेल्दा जुत्ता, जर्सी, लामो मोजा र प्याड अनिवार्य लगाएर खेलमैदानमा उपस्थित हुनुपर्ने नियम बनाइएको छ। टिम दर्ता शुल्क ३००० साथै एलो कार्डलाई रु. २५० र रेड कार्डलाई ५०० जरिवाना गरिने क्लबले सार्वजनिक गरेको नियममा उल्लेख गरिएको छ ।

खेलाडी एक गाउँ वा वडाको हुनुपर्ने र परिचय खुल्ने कार्ड अनिवार्य गरिएको छ। आफ्नो गाउँभन्दा बाहिरको खेलाडी समावेश गरेको पाइएमा प्रोटेस्टको नियमअनुसार 400 जरिवाना लाग्ने आयोजक थ्रीस्टार क्लबका विशाल खनालले जानकारी दिए। खेलको उद्घाटन कपिलेश्वर पञ्चकन्याको महत्वपूर्ण पर्यटकीय स्थल घ्याङश्वारामा २३ गते हुनेछ । प्रतियोगितालाई सभ्य र भव्य रुपमा सम्पन्न गर्न सहयोगका लागि आयोजकले शुभचिन्तक, खेलप्रेमी, कपिलेश्वर पञ्चकन्यावासी र सरोकारवालामा आग्रह गरेको छ। आयोजक क्लबका खनालका अनुसार प्रतियोगितालाई सफल बनाउन विभिन्न व्यक्तिहरूले सहयोगको प्रतिबद्धता जनाउन थालेका छन् ।

उनका अनुसार समाजसेवी बुद्धिमान राई, सीए राजनराज पाठक, समाजसेवी राजकुमार थापा, काङ्ग्रेस नेता रमेशजंग कुँवर लगायतले नगद सहयोग उपलब्ध गराएका छन् भने थप सहयोगको प्रतिबद्धता आइरहेको छ। कार्यक्रममा सहभागिता र आर्थिक सहयोगका लागि आयोजक क्लबका विशाल खनाललाई ९८४९ ४०५१०२, सरोज थापालाई ९८५१२०७०२९, सन्तोष थापालाई ९८५१०९६३४०, मिलन थापालाई ९८६९६२४०५० र राजेश गिरीलाई ९८१८६०६५०५ मा सम्पर्क गर्न सकिनेछ ।