काठमाडौं । अखिल नेपाल यातायात मजदूर संघले राष्ट्रिय विपदको दुखद घडीमा राष्ट्रिय शोकको घोषणा गर्नुपर्ने, विपदमा मृत्यु भएका यातायात श्रमिक तथा आम नागरिकहरूलाई उचित क्षतिपूर्ति प्रदान गरी बेपत्ता भएका नागरिकहरूको तत्काल खोजी तथा उद्धार कार्य गर्नुपर्ने भन्दै प्रेस विज्ञप्ती जारी गरेको छ ।
बीपी राजमार्ग, हेटौडा काठमाडौँ जोड्ने सडक, लगायत अन्य राजमार्गहरूमा अलपत्र अवस्थामा रहेका सवारी साधनहरूको उद्धार गरी क्षतिग्रस्त तथा बेपत्ता भएका सवारी साधनहरुलाई उचित क्षतिपूर्ति प्रदान गरी अलपत्र अवस्थामा रहेका यातायात श्रमिकहरुलाई तत्काल राहत तथा उद्धारको व्यवस्था गर्नुपर्ने जारी गरेको विज्ञप्तीमा उल्लेख गरिएको छ ।
यस्तो छ जारी विज्ञप्ती
१) राष्ट्रिय विपदको यस दुखद घडीमा राष्ट्रिय शोकको घोषणा गरियोस्।
२)विपदमा मृत्यु भएका यातायात श्रमिक तथा आम नागरिकहरूलाई उचित क्षतिपूर्ति प्रदान गरी बेपत्ता भएका नागरिकहरूको तत्काल खोजी तथा उद्धार कार्य गरियोस्।
३)बीपी राजमार्ग, हेटौडा काठमाडौँ जोड्ने सडक, लगायत अन्य राजमार्गहरूमा अलपत्र अवस्थामा रहेका सवारी साधनहरूको उद्धार गरी क्षतिग्रस्त तथा बेपत्ता भएका सवारी साधनहरुलाई उचित क्षतिपूर्ति प्रदान गरी अलपत्र अवस्थामा रहेका यातायात श्रमिकहरुलाई तत्काल राहत तथा उद्धारको व्यवस्था गरियोस।
४)जिर्न असुरक्षित रूपमा रहेका राजमार्ग सडक र ग्रामीण सडक खण्डहरूको जोखिम मूल्याङ्कन गरी सुरक्षाको प्रत्याभूति सहित सवारी सञ्चालन हुने वातावरण मिलाइयोस्।
५)मानव बस्तीहरूमा क्षत विक्षेत रूपमा रहेको विद्युत तथा सञ्चारको तत्काल मर्म तथा जडान गरियोस्।
प्रतिक्रिया
सम्बन्धित समाचार
