साँखु- भोटेचौर सडक खण्डको चौकिभाज्याङमा अवरुद्ध सडक खुलेको छ । पहिरोले अवरुद्ध सडक सडक बिभाग अन्तर्गतको हेभी ईक्युपमेन्टको एक्साभेटर तथा शंङखारापुर नगरपालिकाको समन्वयमा सडक खुलेको हो ।

शुक्रवार एमाले नेता शेरबहादुर तामाङको नेतृत्वमा क्षेत्रीय संघीय सडक सुपरिबेक्षण तथा निर्देशन कार्यालयका प्रमुख शुभराज न्यौपाने,शंङ्खरापुर नगरपालिका प्रमुख रमेश नापित, उपप्रमुख सुमिता श्रेष्ठ, एमाले बागमती प्रदेश सदस्य तथा पुर्व नगरप्रमुख सुबर्ण श्रेष्ठ,एमाले नेताहरु मित्रलाल चौलागाईं, कृष्णगोपाल तामाङसहितको टोलिले अवरुद्ध सडकको स्थलगत अवलोकन गरेको थियो ।

अहिले साँखु भोटेचौर सडक खण्ड सन्चालनमा छ ।