चलचित्र विकास बोर्डका नवनियुक्त अध्यक्ष दिनेशराज दाहाल (दिनेश डिसी)  पदभार ग्रहण गरेका छन्। सोमबार बोर्डको कार्यालय पुगेर डिसीले कार्यभार सम्हालेका हुन्।

सोमबार बिहान उनलाई बोर्ड कर्मचारी र अन्य पदाधिकारीले फूलमालाले स्वागत गरे।  बोर्डको  हलमा आयोजित बधाई तथा शुभकामना अर्पण कार्यक्रममा नेपाल चलचित्र संघ,चलचित्र कलाकार संघ, चलचित्र निर्देशक समाज, चलचित्र निर्माता संघ लगायतका फिल्मसग सम्बन्धित सस्थाका पदाधिकारीसहित अन्य फिल्मकर्मी समेत पुगेका छन्।

पदभार ग्रहण गर्दै डिसीले  आफू काम गर्न बोर्डमा आएको बताए।

उनले नेपाली फिल्म क्षेत्रको समस्या समाधानका लागि आफूले सक्दो काम गर्ने प्रतिबद्धता व्यक्त गरे।