बनेपा – काभ्रेका नव नायक विवेक कर्माचार्यको नयाँ चलचित्र ‘बर एण्ड बधु’ भदौ १४ गते रिलिज हुने भएको छ। चलचित्रमा आँचल शर्मा र नव नायक विवेक कर्माचार्य मुख्य भूमिकामा छन् ।

नव नायक विवेक कर्माचार्यको पहिलो फिल्मले नै राम्रो सफलता पाउने टेलर बाट पनि देखिएको छ। काभ्रे बनेपाका नायक विवेक कर्माचार्यले यही चलचित्रबाट नेपाली फिल्मी दुनियाँमा डेव्यु गरेका हुन्।

नेपालका रमणीय ठाउँ लगायत बिदेशमा उत्कृष्ट छायांकन गरिएको फिल्म ‘बर एण्ड बधु’ को बहुचर्चित अन्तर्राष्ट्रिय चलचित्र ‘गोर्खा वारियर’ निर्देशक मिलन चाम्सको नयाँ चलचित्र ‘बर एण्ड बधु’ बनेपाको शुभकामना सिनेमा हल सहित देशभर भदौ १४ गते देखी प्रदर्शन हुने भएको छ।

टेलर हर्दा ‘बर एण्ड बधु’ युवा पुस्ताको प्रेम कहानी आधारित रहेको छ । नयाँ फिल्ममा निर्देशक चाम्सले रोमान्टिक लभ स्टोरी लिएर आएका छन् । प्रेममा परेका युवा पुस्ता झुक्न नचाहने र एक अर्काको नोकझोकका रोचक कथावस्तु फिल्ममा प्रस्तुत गरिएको देखिन्छ।

चलचित्रमा गरिमा शर्मा, विजु पार्की, हिमेश पन्त, सृष्टि खड्का, विजय लामा, किरण केसी, कुसुम शर्मा, सरिता लामिछाने, रवीन्द्र खड्का लगायत कलाकारहरूको अभिनय गरेका छन् । ‘बर एण्ड बधु’ कथा प्रदीप भारद्वाजको हो । चलचित्र निर्माता जानुमा थापा, कार्यकारी निर्माता अमित रिजाल रहेका छन्। नेपाल र रोमानियामा छायाङ्कन गरिएको चलचित्रका छायाकार रवीन्द्र न्यौपाने र अनिश स्याङ्देन हुन । डिओपी सुदीप बरालले गरेका छन्।