काठमाडौं- पब्लिक युथ क्याम्पसमा रहेको युवा रेडक्रस सर्कलले बिहीबार  नि:शुल्क दन्त परिक्षण शिविर गरेको छ।सर्कल पब्लिक युथ क्याम्पसमा बिहीबार शिविरको आयोजना गरेको हो। शिविरमा २ सय भन्दा बढी विद्यार्थी, शिक्षक र कर्मचारीको दन्त परिक्षण गरिएको सर्कल सचिव सरस्वती पनेरूले जानकारी दिनुभयो।

पनेरूका अनुसार, युथ डेंटिस्ट नेपाल तथा ॐ चाबहिल डेन्टल प्रा.लि.का चिकित्सकहरुले शिविरमा प्राबिधिक सहयोग गरेका थिए । सेवा नै धर्म हो भन्ने भावनाका साथ आयोजना भएको शिविरमा युवा तथा जूनियर रेडक्रस सर्कल काठमाडौं का उप सयोजक राधा नेपाल , नेपाल रेडक्रस सोसाइटी काठमाडौं शाखाका उपसभापति अन्जना मास्के , नेरेसो छत्रपाटि उपशाखाका सभापति रबिन्द्र लाल हाडा र स्वतन्त्र विद्यार्थी युनियन पब्लिक युथ क्याम्पसका सभापति नवीन पाण्डेको सहभागिता रहेकोे थियो ।

युथ रेडक्रस सर्कल पब्लिक युथ क्याम्पस यस्ता गतिबिधिमा सक्रिय रहेको र आगामी दिनमा पनि क्याम्पस परिसर मा विद्यार्थी माझ यस्ता कार्यक्रम सदा-सर्वदा गरिरहने पनेरूले जानकारी दिनुभयो।