युवा ओपनर सम्झना खड्काले एसीसी वुमन्स एसिया कपमा यूएईविरुद्ध आफ्नो अन्तर्राष्ट्रिय क्रिकेट करिअरको पहिलो अर्धशतक प्रहार गरेकी छिन् । ११६ रनको लक्ष्य पछ्याएको नेपालले १३ ओभरमा ३ विकेट गुमाउँदै ८७ रन बनाएको छ । सम्झनाले ३५ बलमा अर्धशतक पूरा गरेकी हुन् । उनी ८ चौकासहित ५० रनमा क्रिजमा छिन् ।

उनी नेपालबाट महिला टी२० आईमा अर्धशतक पूरा गर्ने पाँचौं खेलाडी हुन् । यसअघि नेपालबाट रुविना क्षेत्री, सीता रानामगर, इन्दु बर्मा र पूजा महतोले अर्धशतक पूरा गरेका थिए । समग्रमा दोस्रो छिटो टी२० अर्धशतक पूरा गर्ने नेपाली खेलाडी बनेकी छिन् ।