सिन्धुपाल्चोक:- स्थानीय स्काउट कार्यालय मेलम्चीद्वारा आयोजित २ राते ३ दिने टोलीनेता तथा विपद् व्यवस्थापन तालिम स्थानीय प्रमुख आयुक्त श्री सुनीलकुमार भण्डारीको सभापतित्व, नगरप्रमुख एवम्  स्थानीय स्काउट संरक्षक श्री आइतमान तामाङको प्रमुख आतिथ्यता,नगर उपप्रमुख एवम् स्थानीय स्काउट परिषद अध्यक्ष श्री उमा प्रधानको विशेष आतिथ्यता,बागमती  स्काउट प्रदेश सह आयुक्त मिनादेवी श्रेष्ठको विशेष आतिथ्यतामा आज मिति २०८१ असार १६ गते उद्घाटन भएको छ ।

उद्घाटन कार्यक्रममा इन्द्रध्वज गणका सेनानी,विभिन्न वडाका जनप्रतिनिधि,पत्रकार, उद्योग वाणिज्य संघ र सामुदायिक तथा संस्थागत विद्यालयका प्रधानाध्यापक  लगायत स्काउटर(शिक्षक) तथा विद्यार्थीको उपस्थिति थियो । कार्यक्रम संचालन शैक्षिक पद्धति आयुक्त लेखनाथ भट्टराईले गर्नुभएको थियो । स्थानीय तहमा यस्तो तालिम अपरिहार्य रहेको र मेलम्ची नगरपालिका यस गतिविधिमा पहिलो रहेको समेत प्रमुख अतिथि,विशेष अतिथि  तथा अतिथिहरुले खुलेर प्रशंसा गर्नु भएको थियो । संस्थागत तथा सामुदायिक मावि विद्यालय र क्रिउको राम्रो उपस्थिति थियो ।  कार्यसमितिका पदाधिकारी, परिषद सदस्यहरुको सकृयता र सहभागीप्रति कृतज्ञ छौँ ।