नबराज नेपाल, सिन्धुपाल्चोक जिल्ला बलेफी गाउँ पालिका ३ मा जन्मनु भएका प्रेम बहादुर भण्डारी राष्ट्रिय तथा अन्तर्राष्ट्रिय खेलाडी ,प्रशिक्षक निडर र स्वाभिमान बोकेका ब्यक्ति हुनुहुन्छ।

२०४७ सालदेखि तेक्वान्दो खेल खेल्न शुरु गरि आफ्नै जिल्लालाइ खेलकुदको माध्यम बाट देश बिदेशमा चिनाउनु पर्छ भनेर २०५४ सालमा तेक्वान्दो खेल जिल्लामा भित्र्याउनु भएको थियो।

तेक्वान्दो खेल सिन्धुपाल्चोक जिल्लाका भाइबहिनी हरुलाइ सिकाएर विभिन्न राष्ट्रिय तथा अन्तर्राष्ट्रिय प्रतियोगितामा पदक हरु दिलाउन सफल हुनुभएको छ।   करिब २७ बर्ष देखि राज्यको कुनै पनि सेवा सुबिधा नलिइ स्वयंसेवकको रुपमा आफ्नो जिल्लालाई चिनाउन अहोरात्र खटिरहेको हामी सबैले देखेका छौ,कसैको पनि दुख देख्न नसक्ने जति सकिन्छ तेति तुरुन्तै सहयोग गर्नुपर्छ भन्ने भावना बोकेका प्रेम भण्डारीले चाहे बिरामी लाई होस् चाहे कुनै सार्बजनिक काम होस् चाहे कुनै खेलकुद को लागि होस् दिल खोलेर सहयोग गरिरहनु भएको छ।

देशको लोकप्रिय गुरु प्रेम भण्डारी एसियाकै तेक्वान्दोको युवा समितिको सदस्य हुनु भैसकेको ब्यक्ति हामी सबै बलेफी गाउँ पालिका आमा बुबा दाजुभाइ दिदी बहिनीहरुको पनि प्रिय गुरु बन्नु भएको छ।

चाहे देशमा होस चाहे बिदेशमा उहाँको नाम लिदा गर्बले छाती उच्चो हुन्छ सिन्धुपाल्चोक तेक्वान्दो का जन्मदाता तेक्वान्दो संघका अध्यक्ष प्रेम भण्डारीले काठमाडौ को काडाघारी बिरेन्द्रचोकमा आफ्नै लगानीमा गोठाटार तेक्वान्दो डोजाङ्ग खोली प्रशिक्षण दिइरहनु भएको छ । उहाँ खेल क्षेत्र मात्रै नभई राजनीतिमा पनि सक्रिय हुनुहुन्थ्यो तर अहिले खेलकुद र आफुले सकेको समाजसेवा आफ्नो पहिलो प्राथमिकता रहेकोे जानकारी दिनु भयो।