काठमाडौं : त्यसो त, पछिल्लो समय दैनिकजसो दजनौं बढी गीतहरु रिलिज हुने गर्छन् । रिलिज भएका कमै गीतले दर्शक स्रोताको साथ पाउँछन् । कमै गीतले मात्र दर्शक स्रोताको मन जित्ने गर्छन् । झन सुन्दा कान र हेर्दा आँखालाई आनन्द दिने गीतहरु त निकै कम हुने गर्छन् ।

यसैबीच, कान र आँखालाई आनन्द दिने सिन्धुपाल्चोक जिल्लामा जन्मिएर काठमाण्डौलाई आफ्नो सांगीतिक कर्मथलो बनाइरहेका गायक तथा सर्जक बिष्णु थापाले आवाज दिएको नयाँ गीत “लुकामारी” सार्वजनिक भएको छ ।  यस गीतमा बिष्णु थापा र निशा श्रीश मगरको सुमधुर आवाज सुन्न सकिन्छ।थापाको मिठो शब्द सिर्जना तथा मनै लोभिले म्युजिक रहेको गीतको म्युजिक एरेन्ज भने हेमराज डांगीले गरेका छन् ।

त्यसो त गीतको अडियो सुन्दा कानलाई जति आनन्द मिल्छ, त्यो भन्दा आनन्द भिडियो हेर्दा आँखालाई आउने गर्छ। किनकी गीतको अडियोसंगै भिडियो पनि निकै आकर्षक बनाइएको छ। भिडियोमा चन्द्रकुमार श्रेष्ठ र अश्मिता आचार्यको अभिनय देख्न सकिन्छ ।

गीतको भिडियोलाई निर्देशन निरेन श्रेष्ठले गरेका हुन् भने छायांकन सुनिल भण्डारी र सम्पादन अमृत चापागाईंले गरेका छन् ।गीतलाई रिलिज भएको छोटो समयमा राम्रो प्रतिक्रिया मिलेको छ। गीतको अडियो भिडियो दुबैलाई तारिफ गरिएको छ।

उक्त गीतको भिडियो Bishnu Thapa Youtube च्यानलमार्फत सार्वजनिक गरिएको छ ।

हेर्नुस भिडियो……