नवराज नेपाल | लोप हुँदै गैरहेको खैजडी भजन बालन लगायत आफ्नो मौलिक परम्पराको जगेर्णा गर्न नेपाल ज्योतिष परिषद सिन्धुपाल्चोक ले विभिन्न कार्यक्रम गर्दै आयको छ ।

कहिले सडक मै हरि नाम सङकिर्तन शोभा यात्रा त कहिले सडक ज्योतिष प्रशिक्षण कार्यक्रम गर्दै आयको ज्योतिष परिषद सिन्धुपाल्चोकले हाल बलेफी गाउँ पालिका स्थित कपिलेश्वोर महादेवको प्राङ्गणमा लोप हुँदै गरेको खैजडी भजन प्रशिक्षण गरिरहेको छ । वैदिक सनातन धर्म संरक्षण प्रकृतिको संरक्षण र आफ्नो मौलिक संस्कृति बचाउनु पर्छ र हाम्रो आफ्नो मौलिक धर्मले नै हाम्रो परिचय पहिचान हुने हो भन्दै ज्योतिष परिषद सिन्धुपाल्चोक ले यस अगि सदरमुकाम चौतारा, खाडिचौर बजार, बाह्रबिसे बजार लगायतका विभिन्न स्थान मा हरि नाम सङ्किर्तन यात्रा साथै धार्मिक सचेतना कार्यक्रम गरि सकेकोछ ।

अब को कार्यक्रम अन्तरगत जिल्लाका विभिन्न स्थानमा वर, पिपल, शमि, पारिजात लगायत का बिरुवा हरु बृक्षारोपण गरिने र आगामी दिनमा जिल्लाका अन्य स्थानमा पनि प्रशिक्षण कार्यक्रम गर्दै जाने कुरा नेपाल ज्योतिष परिसद सिन्धुपाल्चोक का अध्यक्ष नारायण दत्त ढुङ्गाना ले जानकारी दिनु भयो ।

यस प्रशिक्षण कार्यक्रममा जुन सुकै जाती धर्म संप्रदायका ब्यक्ती हरुले भाग लिन सक्नेछन र कुनै पनि शुल्क समेत तिर्नु नपर्ने उहाले जानकारी गराउनु भयो । आगामी जेष्ठ १५ गते दिउसो ३ बजे र जेष्ठ २१ गते सोमबार भने दिउस ३ बजे बाट प्रशिक्षण साथै साझ कपिलेश्वोर महादेवको महाआरती पनि गरिने भनी अध्यक्ष ढुङ्गानाले जानकारि गराउनु भयो ।

सम्पुर्ण ब्याक्तित्व हरुलाइ उक्त आरतिमा उपस्थित हुन अपिल समेत अध्यक्ष ढुङ्गानाले गर्नु भयको छ ।