सिन्धुपाल्चोक- पछिल्लो समयमा जन्मदिन मनाउने नाममा हजारौं रुपैयाँ खर्च गरेर आफ्नो जम्मदिन मनाउने चलन बढिरहेको छ । जन्मदिनमा केक काट्ने साथीभाई लाई जम्मा गरी पाटीको आयोजना गर्ने प्रचलन बढदै गएको छ ।

तर हाम्रो जन्मभुमी सामाजिक संस्थाकी अध्यक्ष गीता श्रेष्ठले विद्यार्थीलाई शैक्षिक सामग्री वितरण गरेर जन्मदिन मनाउनु भएको छ ।आफ्नो  जन्मदिनको अवसरमा श्रेष्ठले सिन्धुपाल्चोक इन्द्रावती गाउँपालिका वडा नं.१० झोलुङ्गेमा रहेको श्री सुर्याेदय आधारभूत विद्यालयमा अध्यनरत १ देखी ५ कक्षा सम्मका बिधार्थीहरुलाई शैक्षिक सामग्री वितरण गर्नुभएको हो ।

हाम्रो जन्मभुमी सामाजिक संस्थाको ६१ औं कार्यक्रम अन्तर्गत फजुल खर्च बचाएर विद्यार्थीको अध्ययनमा सहज पु¥याउने हेतुले विद्यार्थीलाई शैक्षिक सामग्री वितरण गरेको श्रेष्ठले बताउनु भयो ।  बालबालिकाका माझ जन्मदिन मनाउँदा निकै खुशी लागेको छ,’उहाँले भन्नुभयो । साथै उहाँले विद्यार्थीलाई समेत फजुल खर्च बचाएर जीवनोपयोगी काममा लगाउन सुझाव दिनुभयो । शैक्षिक सामग्री पाउँदा विद्यार्थी दंग परेका थिए ।

कार्यक्रममा विद्यालयका प्रधानाध्यापक बल बहादुर माझीले सहयोगी श्रेष्ठलाई धन्यवाद दिँदै जन्मदिनको अवसरमा विद्यालयप्रति देखाएको माया र सद्भावले हौसला थपेको बताउनु भयो ।

चौतरा सांगाचोकगढी नगरपालिका वडा नं १३ का वडा सदस्य तथा हाम्रो जन्मभुमी सामाजिक संस्थाका आजिवन सदस्य  धन बहादुर श्रेष्ठ को अध्यक्षतामा सम्पन्न भएको कार्यक्रममा नारायण श्रेष्ठ, सागर श्रेष्ठ, सुमन कुमार श्रेष्ठ, अम्बर बहादुर राई, लक्ष्मी श्रेष्ठ, निस्मा चामलिङ लगायत अभिभावक, विद्यार्थी, शिक्षक, शिक्षिका विशिष्ट ब्यक्तिहरुकाे उपस्थितिमा कार्यक्रम सम्पन्न भएको थियो ।