सिन्धुपाल्चोकको पाँचपोखरी थाङपाल गाउँपालिका वडा नम्बर ३मा पर्ने निकतातामा झोलुङ्गे बनेपछि स्थानिय खुशी भएका छन् । लार्के गाउँबाट लगभग ४ घण्टा हिडेर पुगिने निकतातामा पुल बनेसँगै स्थानिले खुशियाली मनाएका छन् । पुल निर्माणसंगै बर्षौ देखि भोग्दै आएको दुःख हटेको स्थानियले बताएका छन् । लार्के नदिमा नदीमा पुल नहुँदा स्थानीयले मात्र नभएर पर्यटकहरुले समेत धेरै समस्या भोग्दै आएका थिए ।

झोलुङ्गे पुल बनेपछि निकै खुशी लागेको स्थानीय बुद्धरानी तामाङले बताउनुभयो । हिउँदको समयमा फड्के लगायत अन्य माध्यमबाट पुल तर्दै आएपनि बर्खा याममा अत्यधिक समस्या हुने गरेको थियो । आफ्नो ज्यान जोखिममा पारेर खोला तर्ने गरेका स्थानिय गाउँपालिकाले पुल बनाइदिएपछि खुशि भएका हुन् ।

नवनिर्मित झोलुङ्गे पुलको पाँचपोखरी थाङपाल गाउँपालिकाका अध्यक्ष टासी लामाले उद्घाटन गर्नुभएको हो । पुल उद्घाटन गर्दै अध्यक्ष लामाले गाउँपालिकाको ६० लाख बजेटमा पुल निमार्ण भएको जानकारी दिनुभयो । उहाँले स्थानियको माग र आवश्यकतालाई सम्बोधन गर्दै पुल निमार्ण गरेको जानकारी दिनुभयो । पाँचपोखरी थाङपाल गाउँपालिका पर्यटकीय गाउँपालिका भएकाले पर्यटन पदमार्गको रुपमा रहेको लार्के निकताता हुँदै ड्राइगन गुफा,नौ ताल,आमायाङ«ी र पाँचपोखरी पुग्न अब पर्यटकलाई सहज भएको बताउनुभयो ।

स्थानिको मागलाई क्रमश पुरागर्दै गएको दावि गर्दै अध्यक्ष लामाले काकताङकुक्तङमा झोलुङ्ग पुल निमार्ण,लार्के सम्मको सडक विस्तार तथा सोलिङ,बत्ति,पाहुना घर निमार्ण लगायतको पालिका मार्फत भएगरेका कामको स्मरण गर्नुभयो । हालसम्म गाउँपालिकाले ११ वटा पुल निमार्ण गरिसकेको जानकारी दिदैँ लामाले अब लार्केको लागि काठको पोल विस्थापित गर्दै फलामे स्थापना गर्ने,याङ«ीमा पक्कि पुल निमार्ण गर्ने, बुद्धपार्क लगायत पर्यटकिय स्थलहरुको पहिचान गर्ने र प्रर्वधन गर्ने काम पुरा गर्ने प्रतिबद्धता जनाउनुभयो ।

गाउँपालिकाको अन्य ठाउँमासमेत झोलुङ्गे पुल निर्माण भइरहेको जनाउँदै जनताको समस्या समाधान गर्न र विकासका लागि गाउँपालिका प्रतिबद्ध रहेको लामाले बताउनुभयो । गाउँपालिकाको ६० लाख बजेट र स्थानीयको जनश्रमदानबाट बनेको ११३ मिटर झोलुङ्गे पुलको निर्माणले पयर्टन आवानमनमा सहज हुने र स्थानियको आर्थिक समृद्ध हुने अपेक्षा गरिएको वडा अध्यक्ष ङिमाछिरिङ तामाङले बताउनुभयो ।

उहाँले अब होमस्टेको विकास गर्दै पर्यटकलाई सहज वातावरण सिजर्ना गर्ने उद्धेश्य रहेको बताउनुभयो । उद्घाटन कार्यक्रममा गाउँपालिकाका उपप्रमुख सुनिता अधिकारी,वडाका जनप्रतिनिधि लगायत स्थानियको उपस्थिती रहेको थियो ।