काठमाडौं । त्यसो त, पछिल्लो समय दैनिकजसो दजनौं बढी गीतहरु रिलिज हुने गर्छन् । रिलिज भएका कमै गीतले दर्शक स्रोताको साथ पाउँछन् ।कमै गीतले मात्र दर्शक स्रोताको मन जित्ने गर्छन् । झन सुन्दा कान र हेर्दा आँखालाई आनन्द दिने गीतहरु त निकै कम हुने गर्छन् ।

यसैबीच, कान र आँखालाई आनन्द दिने पछिल्लो समय धेरैको मन मुटुमा बसेका लोकप्रिय मोडल ईश्वर बल्लभ उप्रेती र नवकलाकार रश्नी लामा फिचरिङ म्युजिक भिडियो ‘आदत बन्यौ’ सार्वजानिक भएको छ ।

शनिबार ग्वार्को स्थित म्युजिक सिटी हलमा पत्रकार सम्मेलन गरि गितको अडियो भिडियो सार्वजानिक गरिएको हो । बरिष्ठ गायक आनन्द कार्कीको बाहुलीबाट उक्त गितको सार्वजानिक गरिएको थियो । कार्कीले सबै टिमको उत्कृष्ट मेहनतमा एउटा सुन्दर गित तयार भएको प्रतिकृया दिए । साथै म्युजिक भिडियो निर्माणका क्रममा युनिटले भोगेका तिता मिठा कुरा सुनाएका थिए ।

चर्चित गायिकाअनु चौधरी र सौगात जंग थापाको आवाजमा रहेको भर्खरै रिलिज ‘आदत बन्यौ’ बोलको गीतले आँखा कान दुबैलाई आनन्द दिने गर्छ । प्रेमिला शब्दहरुले भरिएको गीतमा उत्तम बर्तौलाको शब्द अनि सौगात जंग थापाको संगीत रहेको छ भने बिशाल निरौलाको एरेन्ज रहेको छ ।

त्यसो त गीतको अडियो सुन्दा कानलाई जति आनन्द मिल्छ, त्यो भन्दा आनन्द भिडियो हेर्दा आँखालाई आउने गर्छ। किनकी गीतको अडियोसंगै भिडियो पनि निकै आकर्षक बनाइएको छ ।  भिडियोमा उनै लोकप्रिय कलाकार ईश्वर बल्लभ उप्रेती र रश्नी लामा फिचर्ड छन् ।

गीतको भिडियोमा जिवन शाहिको कथा र निर्देशन रहेको छ । आकर्षक फ्रेममा रामकुमार के सिले भिडियो खिच्ने काम गरेका हुन् । भिडियोलाई  टेकेन्द्र शाहले सम्पादन गरेका छन् । भर्खरै मात्रै सार्वजनिक यो गीतलाई रिलिज भएको छोटो समयमा राम्रो प्रतिक्रिया मिलेको छ  गीतको अडियो भिडियो दुबैलाई तारिफ गरिएको छ । उक्त गीतको भिडियो G Media Connection युट्युब  च्यानलमार्फत सार्वजनिक गरिएको छ ।

हेर्नुस भिडियो….