काठमाडौं : त्यसो त, पछिल्लो समय दैनिकजसो दजनौं बढी गीतहरु रिलिज हुने गर्छन् । रिलिज भएका कमै गीतले दर्शक स्रोताको साथ पाउँछन् । कमै गीतले मात्र दर्शक स्रोताको मन जित्ने गर्छन् । झन सुन्दा कान र हेर्दा आँखालाई आनन्द दिने गीतहरु त निकै कम हुने गर्छन् ।

यसैबीच, कान र आँखालाई आनन्द दिने पछिल्लो समय धेरैको मन मुटुमा बसेका गायिका संगिता पहरी र राम कुमार नेपालीको स्वर रहेको  नयाँ गीत रिलिज भएको छ। केहि दिन अगि रिलिज  ‘नक्कली’ बोलको गीतले आँखा कान दुबैलाई आनन्द दिने गर्छ।

गीतमा नव गायिका संगिता पहरी र रामेछापका स्टार गायक रामकुमार नेपालीको सुमधुर आवाज रहेको छ। ठट्यौली शब्दहरुले भरिएको गीतमा  शव्द संगीत अमृत भारतीको  रहेको छ भने गायक रामकुमार नेपालीको नै एरेन्ज रहेको छ।

त्यसो त गीतको अडियो सुन्दा कानलाई जति आनन्द मिल्छ, त्यो भन्दा आनन्द भिडियो हेर्दा आँखालाई आउने गर्छ। किनकी गीतको अडियोसंगै भिडियो पनि निकै आकर्षक बनाइएको छ।

भिडियोमा लोकप्रिय कलाकार सन्जिव ठकुरी, सन्ध्या सानु तथा गोविन्द विवस फिचर्ड छन् ।  गायक रामकुमार नेपालीको कथा र निर्देशन भिडियोमा रहेको छ।

आकर्षक फ्रेममा सन्तोष तिमिल्सिनाले भिडियो खिच्ने काम गरेका हुन् । भिडियोलाई कल्पेस विश्वकर्माले सम्पादन गरेका छन् ।गीतलाई रिलिज भएको छोटो समयमा राम्रो प्रतिक्रिया मिलेको छ। गीतको अडियो भिडियो दुबैलाई तारिफ गरिएको छ।

उक्त गीतको भिडियो Bharati Pictures  Youtube च्यानलमार्फत सार्वजनिक गरिएको छ ।

हेर्नुस भिडियो……